"MUSCLE CAR" dagurinn 2011 - FRESTAÐ TIL SUNNUD. / 12. JÚNí

Almennar fréttir af starfsemi Krúser sem og tilkynningar um ýmsa viðburði tengda klúbbnum.

Umsjónarmenn: K351, kruser5, krúser 57

"MUSCLE CAR" dagurinn 2011 - FRESTAÐ TIL SUNNUD. / 12. JÚNí

Innleggfrá Moli » 07 Jún 2011, 00:04

Þá er komið að því, hin árlegi Muscle Car dagur Kvartmíluklúbbsins verður næstkomandi Laugardag, þann 11. Júní nk. ef veðurguðirnir verða okkur hliðhollir. 8-)

Þetta er kjörið tækifæri fyrir þá sem hafa áhuga á Amerískum bílum, hvort sem heldur gömlum eða nýjum til að koma og sýna sig og sjá aðra. Við óskum einnig eftir að fólk taki til í skúrnum hjá sér og taki gamla dótið með upp á braut til að selja, þetta er nokkuð sem kallað er "Swap Meet" á tungumáli Kanans. :)

Allir þeir sem mæta á Amerískum bílum með V8 mótor, hvort sem NÝJUM eða GÖMLUM, fá frítt inn á svæðið, geta ekið brautina frítt og fengið fría pyslu og ískalt Pepsi eða Appelsín til að seðja hungrið. 8-)

Aðrir sem mæta ekki á slíkum bílum þurfa hinsvegar að borga 1.000kr. inn á svæðið.

Kl. 10.00 Verður svæðið og pitturinn opnað fyrir þá sem ætla að mæta með bíla og varning sem þeir vilja selja á svæðinu. Gríptu gamla lofthreinsarann úr hillunni úr skúrnum eða gömlu felgurnar, það eru örugglega einhverjir sem hafa not fyrir þetta.

kl. 12.00-13.00 Verður tendrað í ljúffengum Pylsum á grillinu að hætti Gunna GTO grillmeistara. Með þeim verður hægt að renna þeim niður með ísköldu Pepsi eða Appelsíni, við minnum þó á að þetta stendur á meðan birgðir endast. 8-)

kl. 13.15 eða um það leyti sem fólk er að renna niður síðasta pyslubitanum of ropa restinni af Pepsinu ætlar Ingó formaður Kvartmíluklúbbsins að kenna fólki hvernig aka eigi Kvartmílubrautina, hvernig þú tekur burnout, hvrenig ljósin virka, hvernig þú stage-ar þig inn og annað sem gott er að vita áður en þú stillir bílnum upp.

kl. 13.15-15.00 Verður hraðafíklunum og þeim sem hafa áhuga á að vita hvað bíllinn getur, hleypt á ráslínu brautarinnar, þeim að kostnaðarlausu. Fyrir þá sem ekki geta mætt með hjálma, verða nokkrir hjálmar látnir ganga á milli og fólki lánað. Hafa skal í huga að þeir sem ætla að aka brautina verða að vera með gilt ökuskírteini og skoðaðan bíl.

kl. 15.00-16.00 Verður síðan haldin útsláttarkeppni í 1/4 mílu fyrir þá sem hafa áhuga á, ein ferð milli bíla og sigurvegari heldur áfram þangað til aðeins sigurvegarinn stendur einn eftir.

kl. 16.30 Er síðan verðlaunaafhending og sigurvegari útsláttarkeppni tilkynntur.

kl. 16.45 eða þegar verðlaunaafhendingu lýkur verður farinn hóprúntur bíla um Hafnarfjörð og mynduð stemning fyrir fólk og gangandi.


Við hvetjum því alla áhugamenn, fjölskyldur, mömmur, pabba, afa, ömmur, vini, bræður, systur, kviðmága og öðruvísi mága að hópa sig saman í Ameríkubílinn sinn og mæta á svæðið fríkeypis, glimrandi tónlist í anda gamla tímans verður í græjunum og búið að óska eftir góðu veðri. 8-) Er hægt að hafa það betra? :D


VIÐ MINNUM Á AÐ ÞESSI DAGUR ER EINUNGIS ÆTLAÐUR V8 BÍLUM FRÁ AMERÍKU, NÝJUM EÐA GÖMLUM, OG AÐEINS ÞEIR FÁ AÐ AKA BRAUTINA. Þetta er gert til að mynda samheldni áhugamanna slíkra bíla og auka stemninguna á svæðinu. 8-)


EKKI MISSA AF ÞESSU!
Maggi Sig.
1971 Chevrolet Nova 350
1969 Ford Mustang 351W
http://www.bilavefur.net
bilavefur.net á YouTube
bilavefur@internet.is
Smámynd notanda
Moli
 
Innlegg: 27
Skráður: 20 Okt 2008, 23:59

Re: "MUSCLE CAR" dagurinn 2011 - FRESTAÐ TIL SUNNUD. / 12. J

Innleggfrá Moli » 10 Jún 2011, 17:19

FRESTAÐ TIL SUNNUDAGS / 12. JÚNÍ VEGNA VEÐURS!!!
Maggi Sig.
1971 Chevrolet Nova 350
1969 Ford Mustang 351W
http://www.bilavefur.net
bilavefur.net á YouTube
bilavefur@internet.is
Smámynd notanda
Moli
 
Innlegg: 27
Skráður: 20 Okt 2008, 23:59


Fara aftur til Fréttir og tilkynningar

Hver er tengdur

Notendur að skoða þetta svæði: Engir skráðir notendur og 4 gestir

cron